ஸ்ரீராம பக்தி.

ஸ்ரீராம ஜெயம். 

 *Namaskar.*                               Sending the rare portrait of SriRama pattabhishekam collected from AYODHYA. We request you to forward this to as many people as you can before Ram Lalla pran prathishtai on 22nd Jan 2024  Please do this as a mission to circulate the blessings of Lord Hanuman and positive vibrations in the society.                                 *Jai Sriram*

அன்பின் மறு உருவமாக 

விளங்கியவனே ஸ்ரீராமா...! 🙏. 

அருளின் திரு உதயமாக

அவதரித்தவனே ஸ்ரீராமா...!🙏. 

கருணையின் பிரதிபிம்பமாக

திகழ்ந்தவனே ஸ்ரீராமா...! 🙏. 

கதிரவனின் வழித்தோன்றலாக

தோன்றி,ஆதவனைபெருமையுற 

வைத்தவனே ஸ்ரீராமா...! 🙏. 

பெற்றோருக்கு மதிப்பளித்து

மகிழ்வுற்றவனே ஸ்ரீராமா...!🙏 

ஒரு சொல்,ஒரு தாரமே 

வாழ்வில் நிலைத்திருக்குமென 

நிரூபித்தவனே ஸ்ரீராமா...! 🙏.

நட்பின் இலக்கணத்தோடு

நன்மைகள் பலவும்

புரிந்தவனே..! ஸ்ரீராமா🙏. 

சத்தியத்தின் உதாரணமாக 

வாழ்ந்து நின்றவனே ஸ்ரீராமா.!🙏.

அநீதியை அன்பாலும் 

அழிக்கலாமென வென்று

காட்டியவனே ஸ்ரீராமா...! 🙏. 

சாந்தத்தின் முழு அளவென

பிரதிபலித்தவனே ஸ்ரீராமா..!🙏.

பொறுமையின் சிகரமாக 

பூமியில் கோலோச்சி

வீற்றிருந்தவனே ஸ்ரீராமா...!🙏. 

தர்மத்தின் பாதையை உலகிற்கு

எடுத்துரைத்தவனே ஸ்ரீராமா...!🙏.

ராம், ராம், ராம், ராம், ராம், ராம், 

என்ற புனிதமான சொல்லுடன், 

எங்களுடன் இயைந்து 

எங்கள் உள்ளொளியாய் 

கலந்தவனே ஸ்ரீராமா...! 🙏.🙏.🙏. 

நன்றி

கூகுள். 

உன் பாத கமலங்களை 

உள்ளன்போடு மறவாது 

போற்றித் துதிக்கும் பக்தியை

ஆனந்த பரவசமாக்கி

அனுபவிக்கும் ஸ்ரீராமபக்த 

ஆஞ்சநேயரின், ஆசிகளோடு 

எங்களுக்கும் உன் அருளமுத 

பார்வையிலான பக்தியை

பருக தந்துவிடு ஸ்ரீராமா...!🙏. 

ஸ்ரீராம ஜெயம்...ஸ்ரீராம ஜெயம்...

ஸ்ரீராம ஜெயம்...ஸ்ரீராம ஜெயம்... 

ஸ்ரீராம ஜெயம்... ஸ்ரீராம ஜெயம்...

இன்றைய நன்னாளில் வாட்சப்பில் குறுஞ்செய்தியுடன் வந்த ஸ்ரீராம பட்டாபிஷேக படத்துடன், என் மனதில் தோன்றியவைகளையும் எழுத்துருவாக்கி பதிந்திடத் தந்த ஸ்ரீராமபிரானின் பாதங்களை பணிவுடன் பற்றி வணங்குகிறேன். .

பதிவை படித்த என் சகோதர சகோதரிகளுக்கு  என் அன்பான நன்றிகள். 

ஜெய்ஸ்ரீராம்.

ஜெயராம். 

மெய்யுருக வைக்கும் கானங்கள்.

அன்னமய்யா என்ற திரைப்படத்தில் வெங்கடேச பெருமாளின் நித்திய திருக்கல்யாணத்தை வர்ணித்தும், ஊஞ்சலில் பெருமாளை வைத்தும் பாடிய இப்பாடல் மனதை கவரும் ஒன்று. நடிகர் நாகார்ஜுன் அப்படியே அந்த அன்னமாச்சார்யா கதாபாத்திரத்தை நம் கண் முன் கொண்டு வந்திருப்பார். அவரின் நடிப்பில் இந்தப் படத்தை பன்முறை நான் பார்த்து விட்டேன். படத்தின் பாடல்கள் ஒவ்வொன்றும் இனிக்கும் தேன். இதில் இறையருள் பெற்ற அன்னமாச்சார்யா அவர்கள் இயற்றிய கீர்த்தனைகள் பலவும் இடம் பெற்றுள்ளது. பாடகர் எஸ். பி. பி அவர்களின் இனிய கம்பீரமான குரல் அந்தப் பாடல்களுக்கு நல்ல வளமாக இருந்து இனிய தேனின் சுவைகளை அதிகரிக்கச் செய்கிறது. சிறந்த நடிப்பு, இனிமையான பாடல்கள் என இப்படத்தில் அனைவருக்குமே ஸ்ரீமன்நாராயணன் பக்தியை ஒரு வரமாகவே தந்திருக்கிறார். 🙏. 

ஹரி ஓம் நமோ நாராயணாய நமஃ.🙏 .

இந்த அன்னமய்யா  தெலுங்கு படம் அன்னமாச்சார்யா  என்று தமிழிலும் வந்துள்ளது. அதே பாடல் தமிழிலும் மெய்யுருக வைக்கிறது. இதையும் கேட்டு ரசிக்கலாம். 

அதே போல் ஹதிராம் என்ற பெருமாளின் பிரியமான பக்தரை வைத்து எடுக்கப்பட்ட ஓம் நமோ வெங்கடேசாய என்ற பெயரில் நம் மெய்யுருகச் செய்யும் வண்ணம் வந்த ஒரு திரைப்படம். இதிலும் நடிகர் நாகார்ஜுன் தம் நல்ல தெய்வீகமான நடிப்பை மெய்சிலிர்க்கும் வண்ணம் தந்துள்ளார். பாடல்கள் இதிலும் மெய்யுருகும் வண்ணம்தான். இந்தப்பாடலும் வெங்கடேச பெருமாளின் நித்ய கல்யாணத்தை தானே முதலில் நடத்தி வைக்கும் விதமாக காட்டியுள்ளது. இது எஸ். பி. பியின் மகன் எஸ். பி. சரண் அவரது இனிய குரலில் பாடியுள்ளார். அப்பாவின் குரலுடன்  ஒத்துப் போகிற மாதிரியான இவரது குரலும் எனக்குப் பிடிக்கும். இரண்டுமே கேட்க கேட்க திகட்டாத பாடல்கள். 🙏. 

இதே படமே தமிழிலும் அகிலாண்ட கோடி பிரமாண்ட நாயகன் என்ற பெயரில் வந்துள்ளது. கீழே உள்ள இந்தப்பாடல தமிழ் பாட்டு . இதுவும் எஸ். பி சரண் அவர்கள்தான் இனிமையாக பாடியுள்ளார். இதையும் பக்திபூர்வமாக கேட்டு ரசிக்கலாம். 

நீங்களும் இந்தப்பாடல்களை அனேக முறைகள் கேட்டு மகிழ்ந்திருப்பீர்கள். இங்கும் கேட்டு மகிழ வேண்டுமாய் விண்ணப்பித்துக் கொள்கிறேன். 🙏. அனைவருக்கும் நன்றி🙏.

ஹரி ஓம் நமோ நாராயணாய நமஃ. 🙏.